மறுபடியும் ரஜினி - ஷங்கர்?

ரஜினிகாந்தும் இயக்குநர் ஷங்கரும் மீண்டும் இணைந்து படம் பண்ணப் போகிறார்கள் என்பதுதான் கோடம்பாக்கத்தை கலக்கி வரும் பரபரப்பான.... வதந்தி!

கோச்சடையானுக்கு 10 நாட்கள் மட்டும்தான் ரஜினி கால்ஷீட் கொடுத்திருப்பதாகவும், அந்த ஷூட்டிங் முடிந்த கையோடு ஷங்கர் படத்தில் அவர் நடிப்பார் என்றும், ரஹ்மான் இசை அமைப்பார் என்றும் அந்த வதந்தி தெரிவிக்கிறது. அது மட்டுமல்ல... கதை விவாதம் கூட தொடங்கிவிட்டதாம்.

அப்ப ராணா... அது சந்தேகம்தான் என்கிறது இந்த வதந்தி.

இதுகுறித்து ரஜினி தரப்பில் விசாரித்தபோது, எந்திரன் வெளியான நேரத்திலிருந்தே இப்படித்தான் ஏதாவது ஒரு கதையை கிளப்பிவிடுகிறார்கள். அதற்கெல்லாம் முக்கியத்துவம் தரவேண்டாம் என்கிறார்கள்.

இப்போதைக்கு ரஜினியின் அடுத்த படம் கோச்சடையான்தான். அதற்கடுத்த படம் ராணா. வேறு எந்தத் திட்டமும் இல்லை என்றனர் உறுதியுடன்.